Sekretari i Përgjithshëm i Partisë Demokratike, Gazmend Bardhi është shprehur se po hetojnë në lidhje me 12 emra të rinj kryebashkiakësh të dyshuar të përfshirë në kr.i.me, përveç emrave të bërë publik deri më tani. Bardhi ka deklaruar se kanë dyshime se një kryebashkiak i zgjedhur nga Rama në 30 qershor të 2019-ës është i përfshirë në një vr.a.sje në një nga vendet e tjera e BE-së, për të cilin po presin dokumentacionin e nevojshëm për të provuar vërtetësinë.
Gjithashtu, ai është shprehur për ABC News se do të bëjnë denoncimet e duhura, sapo të kenë një dokumentacion të sigurt në dorë, për të 12 emrat, dhe në veçanti, për këtë person që është i dyshuar për vr.a.sje, për të parë nëse është kryer apo jo një kr.i.m i tillë.
“Nuk është sekret e kam thënë dhe më parë se kemi në proces verifikimi disa nga kandidatët e Edi Ramës në zgjedhjet e 30 qershorit dhe jemi duke pritur dokumentacionin provues, e riktheksoj se në këtë rast PD-ja po kryen detyrën e prokurorisë dhe pse nuk është detyra jonë ta bëjmë një gjë të tillë, ne po verifikojmë dokumentacionin për një kryebashkiak të paligjshëm, që ka qenë i dënuar, dhe ka gënjyer në formularin e Dekr.i.minalizimin, kjo është detyre ligjore dhe e prokurorisë.
Kjo është detyre e Prokurorit të Përgjithshëm i cili deri më sot nuk e ka kryer një gjë të tillë.
Tashmë në proces verifikimi kemi 12 emra kryebashkiakësh të kishim mekanizmat e prokurorisë do të bënim të mundur zbulimin më shpejt të emrave të kryebashkiakëve të përfshirë në kr.i.me.
Ne presim që me ndihmën e partnerëve ndërkombëtarë të verifikojmë indiciet për të dhënat që ne kemi për këto kryebashkiakë. Sapo të kemi një dokumentacion të tillë ne do të bëjmë denoncimin për shkeljen e ligjit të bërë nga një kryebashkiak.
Të dhënat flasin për kryerjen e veprave të ndryshme penale, kemi dhe të dhëna që një person është i dënuar ne vendet evropiane për vr.a.sje dhe për të tjerë të cilët janë të dënuar për vepra të ndryshme penale dhe të përfshirë në trafik të lëndeve na.r.kotike.
Ju mund të shkoni dhe ta pyesni se çfarë po bën me katër rastet që i ka tashmë në prokurori. Një kryebashkiak ka të dhëna se është i dënuar për vr.a.sje në një nga vendet e BE, këtë do ta bëjmë publike pasi të kemi të dhënat në dorë, dyshimet dhe të dhëna tona janë të qenësishme”, tha Bardhi.
Sipas Bardhit bëhet fjalë për një person i cili drejton një nga bashkitë më të rëndësishme të vendit.