Specialistët e Sektorit të Policisë Rrugore të DVP Shkodër arrestuan në flagrancë shtetasin Glindis Bujari, 21 vjeç, për veprën penale “Shkelja e rregullave të qarkullimit rrugor”, pasi mbasditen e djeshme në fshatin Mjedë, ka humbur kontrollin mbi drejtimin e automjetit dhe për pasojë automjeti ka dalur nga rruga, duke përplasur dy këmbësorët, ku si pasojë humbën jetën shtetasit Ndue Prenda, 63 vjeç, dhe Ndrekë Prenga, 43 vjeç.
Policia Kufitare e Muriqanit ndaloi shtetasin R. Rr., 22 vjeç, banues në Durrës, pasi nga verifikimet e kryera në dalje të vendit, rezultoi se kishte thyer masën e sigurisë “Arrest në shtëpi”, që i kishte caktuar Gjykata e Durrësit, për veprën penale “Prodhimi dhe shitja e narkotikëve”.
-Me datë 03.01.2025, shtetasi E. M., 55 vjeç, ka kallëzuar se i kanë vjedhur motomjetin, në lagjen Liria, pranë banesës së tij. Punohet për identifikimin dhe kapjen e autorit/ve.
