Eksodi te Vllaznia nuk ndalet! Mesfushori Herald Marku është largimi i radhës nga shkodranët.
Mësohet se mesfushori nuk ka rënë dakord me ofertën e klubit për rinovim dhe ka marrë letrat për t’u larguar nga kuqeblutë, raporton “Panorama Sport”.
27-vjeçari, golashënuesi më i mirë i ekipit, nga sot është lojtar i lirë. 7 gola të shënuar në sezonin e fundit për të dhe 28 paraqitje si titullar gjatë vitit ku provoi të vishte edhe fanelën e kombëtares së Shqipërisë.
Ky është largimi i 12-të nga Vllaznia pas përfundimit të sezonit.
