Policia italiane ka nisur ditën e sotme një operacion antimafia për sa i përket basteve online. Sipas mediave të shtetit fqinj janë arrestuar 68 persona dhe janë kryer shumë sekuestro.
Përfitimi në total shkon në 1 miliard euro, por mendohet se janë qarkulluar deri në 4.5 miliardë euro, para që vinin nga përfitimet nga bastet online.
Informacionet e para tregojnë se mafia italiane kontrollonte tregun e basteve duke pastuar para nëpërmjet llogarive të hapura në kompani të ndryshme online dhe duke shmangur taksat.
Operacioni është shtrirë edhe në vende të tjera si Zvicra, Austria, Britania e Madhe, Luksemburgu, apo dhe Shqipëria.
Në të gjitha këto vende mafiozët kishin hapur kompanitë e tyre për të qarkulluar para në mënyrë të jashtëligjshme dhe i investonin ato për të blerë prona jashtë vendit.
