Filmi “Gjyshja” i Eduart Grishaj pritet të ketë premierë botërore në Paris të Francës. Lajmin e ka dhënë vetë regjisori i filmit me metrazh të shkurtër, i cili u xhirua në Malësinë e Madhe.
“Nderkohë që vazhdon puna për filmin e ri “Sofia”, Festivali nderkombëtar “Signes de Nuit” që zhvillohet në France ka perzgjedhur filmin “Gjyshja” në kategorine International Competition. Filmi “Gjyshja” do ketë Premieren boterore në Paris ??.”, shkruan Grishaj.
Filmi “Gjyshja” konkurron në këtë festival në seksionin e filmave të huaj, pasi ka kaluar përzgjedhjen për në garë. Ndërkohë, siç e tregon edhe vetë Grishaj, vazhdon puna për filmin tjetër të tij “Sofia”, edhe ai mbi një histori dhe i xhiruar në Malësinë e Madhe.
Pavarësisht se fillimet e tij si regjisor janë në regji televizive në Top Channel, Eduart Grishaj po jep prova se “dashuria” e tij e vertetë janë filmat artistikë. Sigurisht, pas dashurisë për Diellin e tij dhe Arbanën. Suksese Eduart! /ShkodraWeb Media/