Vendimi për Saimir Tahirin mund të merret brenda dy muajve (procedura ligjore), pranohet gjykimi i shkurtuar…

Me provat që ka aktualisht prokuroria, Gjykata pranon gjykimin e shkurtuar. Ky është konkluzioni i gjykatës të seancës maratonë të çështjes së Prokurorisë kundër ish-ministrit të brendshëm Saimir Tahiri.

Sipas vendimit të sotëm të gjykatës, që nuk e pushoi çështjen, por e çoi në gjykim, Prokuroria nuk do të mundet të sjellë më prova të reja nëse do të kërkonte, por do të merret vetëm me ato që janë në dosje.


Sipas procedurës, gjykimi do të jetë në themel dhe supozohet, me procedurë, që brenda dy javësh të hidhet shorti për trupën që do të merret me gjykimin e çështjes.

E ndërkaq, gjykim i shkurtuar do të thotë se avokatët do ti kërkojnë Prokurorisë që me provat e siguruara pas kaq muajsh hetimesh, të provojnë akuzën ndaj ish-ministrit. Ky proces, mund të zgjasë, një, dy apo edhe tre seanca, në varësi të procesit.

Në procesin Prokuroria kundër Saimir Tahirit, do të shohim një trup gjykues me tre gjyqtarë që do të vënë përballë prokurorët kundër avokatëve, në një debat që do të ketë më shumë në themel procedurën dhe debatin juridik.