Gjykata e Apelit në Shkodër ka lënë në fuqi vendimin e Gjykatës së Shkallës së Parë për ish-prefektin Paulin Radovani lidhur me masën e sigurisë ndaj tij. Mësohet se ai do të hetohet nën masën e sigurisë “detyrim paraqitjeje” dhe i është ndaluar dalja jashtë vendit. Mësohet se Radovani nuk ishte në seancë, por është përfaqësuar nga avokati i tij.
Gjykata e Apelit në Shkodër ka ndryshuar masën e sigurisë për 6 nga 12 të arrestuarit për fajdet. Byrhan Alija, Edi Memcaj, Artan Dragani, Lul Sylja, Pashko Vuksanlekaj dhe ish-drejtori i Patentave në Shkodër, Ilir Sokoli do të qëndrojnë në burg, ndërsa Adri Bala, Marjan Bregu, Vinko Nikprelaj, Eduard Fusha, Elidon Qerimaj dhe Naim Ahmetaj do të hetohen në masën e sigurisë detyrim paraqitje. Skema u denoncua nga ish-prefekti i Shkodrës, Paulin Radovani, i cili është në masën e sigurisë “detyrim paraqitje”.
Radovani e apeloi, por kërkesa për heqjen e kësaj mase u rrëzua. Gjykata deklaroi sot se pretendimet e Radovanit janë të bazuara në prova dhe se cështja është ende në hetim. Dy djemtë e tij, Elton dhe Robert Radovani, u vunë në hetim me akuzën për mashtrim, pasi grupi i të arrestuarve për skemën e fajdeve, pretendojnë se kjo histori eshte e sajuar nga Paulin Radovani. Ish-prefekti Radovani ishte personi që bëri një denoncim ndaj 22 personave për një skemë fajdesh me përqindje të larta.
