Ish- drejtori i përgjithshëm i RTSH- së Thoma Gëllçi është rikthyer në liri prej disa kohësh, pasi vuajti dënimin për akuzat për abuzime me fondet me vlerë rreth 1 milion USD.
Megjithatë, ai ka vijuar betejën ligjore për pafajësi, duke ankimuar vendimin e Shkallës së Parë në Gjykatën e Apelit të GJKKO. Ditën e sotme, kjo gjykatë ka lënë në fuqi vendimin e Shkallës së Parë, duke e cilësuar të drejtë dënimin me 1 vit e katër muaj heqje lirie.
Thoma Gëllçi, përmes avokatëve të tij, e ka bërë të qartë se do të vijojë të kërkojë pafajësinë e tij në të gjitha nivelet e gjykimit. Pas Apelit të GJKKO, mbetet vetëm Gjykata e Lartë, teksa për çeshtje ligjshmërie të procesit apo shkelje të të drejtave të tij, ai mund ti drejtohet edhe Gjykatës Kushtetuese.
Pas ezaurimit të sistemit të drejtësisë në vend, rruga e fundit mbetet Gjykata Europiane për të Drejtat e Njeriut, e cila kërkon edhe një kohë më të gjatë për tu shprehur për kerkesa të ngjashme.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
