E ftuar në emisionin ‘Studio e Hapur’ në News24, gazetarja e kronikës Anduena Llabani ka bërë një deklaratë të fortë teksa po diskutohej për sistemin e drejtësisë në vend.
Duke folur për presionet politike mbi Prokurorinë ajo tregoi edhe një detaj kur Saimir Tahiri kishte telefonuar Adriatik Lallën dhe ky i fundit kishte ndryshuar mimikën e fytyrës.
“Prokuroria ka presion. Ne flasim kollaj nga studio por gjërat nuk janë aq të thjeshta. Kam qenë 2 herë në zyrën e Prokurorit të Përgjithshëm Adriatik Llalla. Kam qenë prezente kur e ka marrë në telefon Saimir Tahiri. Ai është shkëputur dhe ka folur në telefon në paradhomë, por kur është kthyer ka qenë i shpërfytyruar” – rrëfeu gazetarja, por nuk specifikoi kohën kur është zhvilluar telefonata.
