Gati rokada në Ministrinë e Brendshme, presidenti Bajram Begaj dekreton Taulant Ballën si pasues të Bledi Çuçit

Presidenti i Shqipërisë, Bajram Begaj ka dekretuar Taulant Ballën si ministër i Brendshëm.

Taulant Balla u propozua nga kryeministri Edi Rama pas shkarkimit nga posti të Bledi Çuçit.

Propozimi i kryeministrit Rama për të emëruar Taulant Ballën në postin e Ministrit të Brendshëm mbërriti në Presidencë rreth orës 14:00 të mesditës së të hënës (10 korrik).

Bledi Çuçi u shkarkua nga posti pas skandalit ku u përfshinë familjarë të deputetit të PS-së, Rrahman Rraja, i cili është dorëhequr nga mandati.