Në prag të zgjedhjeve të 25 prillit, pritet të ketë ndryshime të shumta jo vetëm në krye të institucioneve qendrore e vendore por edhe në nivele të tjera. Kjo bëhet zakonisht për të kënaqur “orekset” e atyre që mendohet se janë faktor në sigurimin e votave për partinë në pushtet. Tashmë, duket se “vala e fshesës elektorale” ka mbërritur tashmë në Shkodër.
Prej disa ditësh, po përflitet për “ndryshime” të shumta në institucionet e varësisë nga dikasteret, agjensitë, drejtoritë e kompanitë shtetërore në qendër. Një nga këto institucione, është filiali i Albapostës në Shkodër, një kompani shtetërore kjo. Sipas sinjalizimeve që ka ShkodraWeb Media, është bërë gati një listë me rreth 60 emra, punonjës aktualë të cilët pritet të largohen nga puna.
Numri është mjaft i lartë, duke patur parasysh që në total numri i punonjësve të filialit të Shkodrës, arrin rreth 140. Burimet që kanë sinjalizuar këtë “reformë” më pak se 50 ditë nga 25 prilli, bëjnë me dije se nuk ka asnjë arsye ligjore përveç lirimit të vendeve të punës për “militantët” e partisë në pushtet. Nga sa raportohet, largimet do të bëhen mjaft shpejt, sepse pritet të punësohen ata që mund të garantojnë vota për PS- në. /ShkodraWeb Media/
LEXONI EDHE: “Përfundimi dhe rinovimi i kontratave, nuk ka lidhje me fushatën elektorale”, reagon Filiali i Postës Shkodër…
PËR KOHËN E LIRË, ARGËTIMIN TUAJ, MBI 6 ORË HUMOR I ZGJEDHUR PËR KËNAQËSINË TUAJ! JEPI “PLAY” DHE SHIJO!
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
