“Fytyra korrupsioni për abuzime me fondet publike, përballja jonë në parlament, sheshe e rrugë”, reagon Greta Bardeli për qeverinë “Rama 3”

Partia Demokratike ka reaguar mbi kabinetin e ri qeveritar të bërë zyrtar ditën e sotme në Asamblenë e Partiasë Socialiste. Me një postim në Facebook, deputetja e zgjedhur Greta Bardeli, sekretare e marrëdhënieve me publikun në PD, e ka konsideruar kabinetin e ri si fytyra korrupsioni e babëzie të njohur për abuzime me fondet publike.

Lidhur me emërimet e grave në qeveri, Bardeli shkruan se janë për të ardhur keq, figura anonime përzihen dukshëm me ato të njohura për korrupsion, tendera sekretë, e abuzime të panumërta me taksat e qytetarëve, janë thjesht e vetëm fasada.


Publikimi i Greta Bardeli Gjoni në Facebook

Deklaratë e Partisë Demokratike🇦🇱

Shërbëtorët e rinj të pushtetit korruptiv të Edi Ramës do të jenë veç për bakshishet e majme të mafies së inceneratorëve, PPP dhe Tenderave!
Janë veç fytyra korrupsioni e babëzie të njohur për abuzime me fondet publike!

Zv.kryeministri, mjeshtër i inceneratorëve A. Ahmetaj duhet të ishte dorëzuar ne pranga në derën e SPAK dhe jo të firmosë aferat në mungesë të kryeministrit.

Organizatorët, nxitësit dhe urdhëruesit e manipulimit të zgjedhjeve në dosjen e njohur 184, 339/1 janë shpërblyer me poste të larta në qeveri e parti.
I njohur nga gjithë shqiptarët si Tërmet Gjiknuri, asistent i Y.Lalës organizator i strukturës paralele të grabitjes së zgjedhjeve në aleancë me grupe gangsterësh është i përzgjedhur nr.2 i E.R !

U.Manja i përfshire në përgjime e krimit zgjedhor ne dosjen 184 të botuar në revistën gjermane “BILD” është emëruar hiç më pak se Ministër Drejtësie për të mbyllur të gjitha dosjet e manipulimit elektoral!

Gratë në qeveri, për të ardhur keq, figura anonime përzihen dukshëm me ato të njohura për korrupsion, tendera sekretë, e abuzime të panumërta me taksat e qytetarëve, janë thjesht e vetëm fasada!

ER i përdor gratë për kozmetikë për të mbuluar pushtetin mizor e grabitës, pushtetin që shkakton vuajtje dhe varfërim cdo ditë. Përballja jonë në Parlament, në sheshe e rrugë e kudo të jetë e mundur, me dhe për qytetarët do të rikthejë shpresen e besimin, forcën e kurajon për një qeverisje për shqiptarët!

#PartiaDemokratike