Partia Demokratike e Shkodrës dhe Aleanca për Shqipërinë Madhështore, mbyllin zyrtarisht fushatën për zgjedhjet e 11 majit 2025 këtë të enjte, 8 maj 2025.
Tashmë, është përcaktuar vendi dhe ora e mitingut, i cili pritet të ketë një pjesëmarrje të gjërë. Nëse fushata u hap me 18 mars në pallatin e sportit “Qazim Dervishi” nga Sali Berisha, mbyllja e saj do të bëhet po nga kryedemokrati por këtë herë në shesh, jo ambjent të mbyllur.
Mitingtu do të organizohet në qendër të qytetit të Shkodrës, në sheshin “Nënë Tereza”, duke nisur nga ora 18.00. Zhvendosja nga salla e mbyllur në shesh, me gjasë kërkon të përcjellë mesazhin e forcës por njëkohësisht, për të qenë në të njëjtat kushte me rivalët e PS- së, që organizuar mbylljen e fushatës në sheshin para Bashkisë Shkodër.
