Fundjava e “harbimit”, ja si e pësuan 1056 të rinj

Gjatë 48 orëve të fundit, që përkon edhe me të premten dhe të shtunën, ku shumica e të rinjve në Tiranë frekuentojnë jetën e natës dhe konsumojnë alkoolin, janë konstatuar dhe ndëshkuar drejtues automjetesh, kryesisht në orët e vona të natës për drejtim mjeti në gjendje të dehur, për mosrregullimin e shpejtësisë veçanërisht në zonat e banuara, në afërsi të vendkalimeve të këmbësorëve apo që bëjnë gara në shpejtësi duke u bërë rrezik serioz për përdoruesit e tjerë të rrugës.

Policia thotë se janë arrestuar 3 shoferë të dehur .

Po gjatë 48 orëve të fundit, në territorin e qarkut Tiranë, shërbimet e Policisë Rrugore kanë vendosur gjithsej 1056  masa administrative për shkelje të ndryshme të Kodit Rrugor, nga këto:

89 masa për mosvendosje të rripit të sigurimit

54 masa për mospërdorim të kaskave mbrojtëse

44  masa për përdorim të celularit gjatë drejtimit të mjetit

35 masa për shpejtësi tej normave të lejuara

28 masa për parakalim të gabuar

14 masa për shkelje të semaforit

12 masa për drejtim mjeti nën ndikimin e alkoolit

dhe pjesa tjetër për shkelje të ndryshme.

Janë pezulluar 64 leje drejtimi, nga të cilat:

24 për shpejtësi tej normave të lejuara

21 për pije alkoolike

16 për shkelje të tjera.

Policia Rrugore e Tiranës, thotë përmes një njoftimi zyrtar, se “në vijim të masave për rritjen e parametrave të sigurisë rrugore dhe të ndërgjegjësimit të këmbësorëve për të respektuar edhe ata rregullat e qarkullimit rrugor  në ditët në vijim, në kuadër edhe të masave për rritjen e sigurisë rrugore për nxënësit e shkollave, do të ndërmarrë në bashkëpunim me shkollat një fushatë sensibilizuese për këtë qëllim“.

/gazetaexpress/