Ornela Vorpsi, e cila prej vitesh jeton jashtë, arriti të marrë një protagonizëm impresionues me rikthimin e saj në Shqipëri. Ajo që tërhoqi më shumë vëmendjen, nuk ishte ekspozita e saj, sesa deklaratën e guximshme se ajo ishte e dashuruar me Edi Ramën, asokohe pedagogu i saj.
Sot ish-i dashuri i saj platonik, është kryeministër i vendit, prandaj ky pohim ngjalli shumë reagime. Kundërshtarët e Ramës e komentuan këtë deklaratë si diçka të sponsorizuar, si një qokë që po i bëhej Kryeministrit. Por ne sot duam të fokusohemi te dy aspekte të tjera të jetës së Vorpsit, marrëdhënia e saj me motrën, Laura Vorpsi, dikur zëdhënëse e Partisë Demokratike dhe jeta e saj private.
Në një intervistë dhënë për Fevziun, Ornela u shpreh kështu për Laurën: “Për momentin i kam ndërprerë raportet me të, sepse kemi etika të ndryshme, dëshira të ndryshme dhe ndiej se s’kemi se çfarë të ndajmë me njëra-tjetrën. Unë jam njeri që kam nevojë për shkëmbim të thellë dhe të vërtetë dhe kur nuk e kam, njeriu nuk më intereson, qoftë edhe motër. Dhe kam zgjedhur të mos kem raporte me të”.
Ndërkohë, rreth tre vite më parë, dukej se Ornela dhe Laura shfrytëzonin çdo moment për të qenë bashkë. Në verën e vitit 2015, Ornela së bashku me burrin dhe vajzën e saj zgjodhën Dhërmiun për të kaluar pushimet, ku me shumë gjasa ishte një moment i mirë për të qëndruar me të motrën Laurën. /panorama.com.al/
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
