Vllaznia e femrave ka triumfuar edhe në Turneun Ndëkombëtar të futsallës të zhvilluar këtë fundjavë në L’ Aquila të Italisë. Ndonëse vajzat luanin për herë të parë në këtë lloj futbolli, ato sërish kanë treguar vlerat e tyre duke zënë vendin e parë dhe merituar kupën e vënë nga organizatorët.
Në gjysmëfinale ekipi ynë ka mundur me rezultatin 13-2 ekipin ukrainas Chornomorets Odessa, ndërsa në finale kanë mundur 7-3 ekipin zvicerian Lion Futsal Club Zurigo. Ndërkohë një tjetër trofe ka shkuar nga organizatorët e turneut për futbollisten tonë Megi Doçi e cila është shpallur lojtarja më e mirë e turneut.
