Cristiano Ronaldo ndryshoi faqen në karrierën e tij duke u transferuar tek ekipi i Al Nassr në Arabinë Saudite. Transferimi i CR7 bëri bujë në të gjithë botën, por klubi i sheikëve nuk është i panjohur për shqiptarët pasi dikur pjesë e këtij ekipi ka qenë një legjendë e futbollit shkodran dhe atij shqiptar, Hysen Zmijani, madje është shpallur edhe dy herë kampion.
Me anë të një statusi në profilin e tij në Facebook, Zmijani kujton kohën kur u transferua tek Al Nassr:
Disa kujtime nuk shuhen kurre Alnassr Fc .30 vite me pare, kam firmosur me Al-Nassr. Te qenit pjese e ketij klubi ka qene nje eksperience shume e bukur ne karrieren time ku ne 2 vite qe kam luajtur atje, kemi fituar 2 kampionate (1993-1994 dhe 1994-1995).
Me gezon te shoh kete klub duke bere tituj ne mbare boten me lojtarin e tyre me te ri Cristiano Ronaldo. Jam krenar qe kam qene pjese e ketij klubi! I uroj Cristianos dhe skuadres sukses!
