Shqipëria dhe Polonia luajnë në “Air Albania” sot një ndeshje vendimtare për fatin e kualifikueseve të Euro 2024 në Grupin E. Një fitore mund të përcaktojë rrugëtimin e secilës prej këtyre kombëtareve.
Me sa duket, tifozët mendojnë se Shqipëria ka më shumë shanse për të fituar sfidën. Deri rreth një orë e gjysmë para fillimit të takimit, ky është trendi i dukshëm në sondazhin e publikuar nga UEFA në faqen e saj në internet rreth sfidës në fjalë.
Rreth 65% e tifozëve që kanë marrë pjesë në votim, i kanë dhënë fitoren palës shqiptare në këtë sfidë, ndërsa vetëm 31% mendojnë se fitorja do u shkojë polakëve. Ndërkohë, 4% mendojnë se ndeshja e sotme do të mbyllet në barazim.
