Presidenti Ilir Meta është tashmë një tifoz i deklaruar i ekipit skocez Celtic Grasgow. Preferenca e tij për këtë ekip futbollit, është mjaft e njohur dhe sipas gjasave, duke nisur nga posti që ka në Shqipëri, mund të quhet edhe tifozi më VIP i Celtic.
Janë të shumta rastet, kur përmes rrjeteve sociale, a i e demonstron preferencën e tij. Uniforma e Celtic Glasgow është një nga veshjet e preferuara jo zyrtare të kreut të shtetit.
Ditën e sotme, presidenti Meta ka publikuar një tjetër foto. Ai me shumë mundësi ndodhet në Shkodër ose është foto e mëhershme. Ai ka pozuar me një shkodran të njohur, të paktën politikisht, koordinatorin e LSI- së për Qarkun Shkodër Edmond Ndou.
“Ditë e mbarë sot! Edhe një fans më shumë për #CelticFC💚. Mondi nga Shkodra, vendlindja e Rudi Vatës, celti më i ri. Hail Hail! 🍀🇦🇱”, shkruan Meta në publikimin e tij, të cilën e ka edhe në gjuhën angleze, sipas gjasave, për të patur jehonë edhe përtej Shqipërisë.
Duket se tashmë Presidenti, ka marrë edhe rolin e “rekrutuesit” të tifozëve të rinj të Celtic Glasgow në Shqipëri, me start nga Shkodra, që përveç të tjerave, njihet dhe pranohet si djepi i futbollit shqiptar.
Dita e sotme, koencidon me ndeshjen Vllaznia- Teuta dhe nuk është aspak çudi që Meta të jetë edhe në shkallët e stadiumit “Loro Boriçi”. Edhe pse jo zytrtarisht i deklaruar, disa ditë më parë, në një event festiv në Shkodër, u shfaq “i zbukuruar” me shallin kuqeblu dhe një kapele me logon e Vllaznisë. /ShkodraWeb/
