Një sinjalizim ka mbërritur në ShkodraWeb para pak minutave. Një i ri, i cili vrapon në drejtim të Shirokës duke kaluar përmes urës së vjetër të Bunës, ka konstatuar një problematikë, e cila është një rrezik për frekuentuesit e kësaj zone.
“Pershendetje! Tek Ura e Bunes jane 3 pika ne kete gjendje. Nese percjellesit bien ne kontakt me uren metalike mund te ndodhi ndonje hata. Percjellesit jane te zhveshur. Jane 3 foto si kjo. Jane percjellesit qe perdoren per ndricimin e ures.”, shkruan personi që ka dërguar foton.
Do të ishte mirë që mirëmbajtësit e urës dhe të ndriçimit të saj, të bëjnë një kontroll për të parandaluar çdo rrezik të mundshëm. Nëse një nga përcjellësit e energjisë elektrike, bie në kontakt me trupin metalik të urës së vjetër të Bunës, pasojat dihen…
