FOTOLAJM – Kryebashkiaku i Lezhës fejon djalin, ja cili është krushku bisnesmen VIP i Pjerin Ndreut…

Pjerin Ndreu, ka patur të shtunën një ditë të veçantë. Ish- deputeti i PS- së dhe kryebashkiaku aktual i Lezhës, ka fejuar djalin e tij, Alvinin. Lajmin e ka dhënë vetë Ndreu, përmes një publikimi në faqen e tij zyrtare në Facebook, ku nuk ka munguar edhe një foto kujtim.


Natyrisht, që një event i tillë, duhej të ishte një festë e madhe, me shumë të ftuar, por Ndreu ka preferuar të postojë vetëm një foto ku shihet në qendër çifti i ri, Alvin dhe Frea, Ndreu me bashkëshorten dhe krushqit e tij.

“Frea dhe Alvin kan vendose tashme te lidhen perjete duke na nderru status Arlindes dhe mua. Trashegime, mbaresi e ca tu doje zemra ne jete”, shkruan Ndreu në postimin e tij në rrjetet sociale, ku nuk kanë munguar as komentet e ndjekësve të tij.

Krushku i Ndreut, është një emër mjaft i njohur, Pëllumb Petriti. Ai konsiderohet si personi kyç në një sërë dosjesh të bujshme të tjetërsimit të pronave në bregdet. Biznesmeni  Pëllumb Petriti ishte shpallur në kërkim në qershor të 2016-tës, ku së bashku me avokatin Enkes Hysendhima u akuzuan fillimisht si të përfshirë në  tjetërsimin e 220 ha tokë në bregdetin e Karaburunit.

Në maj të vitit 2019, Gjykata e Vlorës liroi pas 7 muajsh qëndrimi në burg, biznesmenin e akuzuar për tjetërsimin e 100 ha tokë në Akërni të Vlorë.

Mbështet ShkodraWeb Media

Pëllumb Petritaj, në nëntor të vitit 2019, u rikthye në burg. Në seancën e mbajtur asokohe në gjykatën e Vlorës, prokurori Albert Kuliçi, kërkoi ndryshimin e masës së arrestit nga garanci pasurore në arrest me burg, ndërkohë që forcat e rendit kanë ndaluar Petritajn.

ShkodraWeb Media 2017 – 2020 © TË GJITHA MATERIALET NË KËTË FAQE MUND TË PËRDOREN LIRISHT NGA INDIVIDË E MEDIA, DUKE CITUAR NGA JANË MARRË. FALEMINDERIT!

ShkodraWeb Channel
ShkodraWeb Marketing