Portieri i Kombëtares, Alen Sherri është bërë baba për herë të parë. Lajmin e ka njoftuar vetë ai përmes një postimi në InstaStory. Gardiani kuqezi njofton se familja e tij tashmë është zgjeruar me ardhjen në jetë të djalit, të cilin e ka quajtur Eden.
Një lumturi e madhe për futbollistin i cili tani do ti gëzohet ndjenjës më të veçantë në botë. Rikujtojmë se ai nuk u përzgjodh nga trajneri Silvinjo për ndeshjen e Shqipërisë me Poloninë për shkak se ka pasur dëmtime dhe nuk ka luajtur vazhdimisht me Kaljarin. Por ai është ftuar herë të tjera nga braziliani.
