FOTOLAJM – Dita e fundit si President i Republikës, Ilir Meta ka një mesazh për të gjithë shqiptarët

Në ditën e fundit si President i vendit, Ilir Meta i është drejtuar qytetarëve me një mesazh në facebook, ku deklaron se ishte nder dhe privilegj i jashtëzakonshëm të ishte në krye të shtetit këto 5-vite.

Meta në mesazhin e tij uron të gjithë shqiptarët të kenë mbarësi në familje, si dhe uron për kombin tonë më të mirën.

“Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë.

Uroj për atdheun dhe kombin tonë më të mirën! Paqe dhe mbarësi për çdo familje shqiptare!

Zoti e bekoftë Shqipërinë!”, shkruan Meta në facebook.