I rreshtuar në krah të Lulzim Bashës në çarjen e thellë në PD, deputeti Ramadan Likaj përflitej si një kandidaturë e mundshme për krytar të Bashkisë Malësi e Madhe me 14 maj 2023 përballë Tonin Marinaj.
Me gjasë “llogaritë” nuk kanë dalë edhe deputeti Ramadan Likaj vendosi të mos rrezikojë për të dorëzuar mandatin dhe futur në një garë vendore ku shanset e fitores ishin të ulëta.
Megjithatë, deputeti Ramadan Likaj, nuk ka ngurruar të marrë pjesë sot në takimin hapës prezantues të kandidatit të minutave të fundit të koalicionit “Bashkë Fitojmë” Isa Ramaj në prani të Sali Berishës.
Më shumë se mbështetje për kandidatin Ramaj, e cila duhej të vinte nga struktura e PD- së së drejtuar nga Anton Kokaj, dalja e sotme e Likës është zyrtarizim i kalimit të tij nga Basha tek Berisha në kuadër të “luftës” brenda llojit.
