Kryetarja e Bashkisë së Shkodrës Voltana Ademi ka reaguar në faqen e saj në Facebook lidhur me çështjen “Vllaznia”. Qytetarja e parë e Shkodrës ka preferuar të prezantojë idetë e saj në një komunikim virtual me ndjekësit e saj. Në mesazhin e saj Ademi shkruan: “E vetdijshme maksimalisht per situaten delikate qe po kalojne tifozet dhe futbolldashesit shkodrane, dhe jo vetem ata per mosarritjen e objektivit per të qendruar ne Kategorine Superiore, si kryetare e Bashkise se Shkodres dua te siguroj te gjithe qytetaret qe prej dy javësh po behet nje analize e thelle dhe me pergjegjesite konkrete per gjithsecilin.
Paralelisht nje grup pune po punon per mbylljen e dokumentacionit te vleresimit te privatizimit.
Ky eshte nje moment jo i mire per te gjithe ne, ku ndjesa publike klubit nuk mjafton, por nje analize e thelle dhe nje alternative per nje zgjidhje perfundimtare. Angazhimi im si Kryetare e Bashkise se Shkodres nuk ka munguar dhe nuk do te mungoje ne asnje moment per te rikthyer skuadren tone ne eliten e futbollit shqiptar.
Respekt per cdo tifoz, per te gjithe ata qe jane thyer ne zemer. I mirekuptoj te gjithe, perfshire edhe me radikalet karshi Voltanes dhe njeheresh i garantoj qe angazhimi mbetet i jashtezakonshem per te gjetur forcen dhe per te nisur nje rruge të re.”. Bashkë me postimin, Ademi ka publikuar edhe disa foto, duke dhënë idenë se prej disa kohësh po vijon një punë “të padukshme” për gjetjen e zgjidhjes më të mirë për Vllazninë. Siç mund të verifikohet edhe nga fotot, kryebashkiakja Ademi ka në plan që ekipin ta administrojë ajka e futbollit shkodran.
