Një i ri u gjet i vdekur brenda automjetit të tij në rrugen e fshatit Balldre i Vjetër në Lezhë, në afesi të baneses së tij. Viktima Romario Brunga 25-vjeç, u konstatua rreth orës 17:30 minuta të së enjtes nga banor të zonës, të cilët njoftuan menjëherë policinë në lidhje me rastin. Blutë të cilët shkuan në vendin e ngjarjes bëjnë me dije se i riu ka gjetur vdekjen nga një plagë e shkatuar me armë zjarri, ndërsa brenda në automjet është gjetur një armë e llojit pistolete dhe një gëzhojë.
Ndërsa makina tip “Benz” me të cilen po lëvizte i riu, nuk ka dëmtime të jashtme të shkatuara nga armë zjarri.I riu dyshohet të ketë gjetur vdekjen disa orë para se të konstatohej nga banoret. Grupi hetimor, nën drejtimin e Prokurorisë, vijon veprimet intensive për zbardhjen e plotë të rrethanave dhe dokumentimin ligjor të ngjarjes, për të përcaktuar nëse kemi të bëjmë me vetëvrasje apo me vrasje. Trupi i pajetë i viktimes u dërgua në morgun e Spitalit Rajonal të Lezhës, ku do ti nënshtrohet ekspertizes së specializuar mjekësore, e cila do të përcaktoje dhe rrethanat e këtij rasti.
Ndërkohë në lidhje me ngjarjen janë shoqëruar dhe po merren në pyetje disa përsona të cilët mund të kenë dijeni, ndërsa sipas të dhënave Romario Brunga nuk ishte person problematik dhe me preçedent të mëparshem penal dhe nga deklarimete familjareve nuk kishte shfaqur shqetësime gjatë koheve të fundit.
