Bardh Spahia, kandidati i “Shtëpia e Lirisë” për Bashkinë e Shkodrës, ka vijuar takimet me qytetarët. Ai ka takuar e bashkëbiseduar me qytetarë në tëtë gjatësinë e pedonales “Kol Idromeno” deri në afërsi të sheshit “Prek Cali”.
Në një publikim në faqen zyrtare, të shoqëruar edhe me foto, Spahia përcjell mesasi se “Të gjithë ne kemi detyrimin të japim më të mirën e mundshme për Shkodrën, të lëmë “gjurmën” tonë në historinë e saj mijëravjeçare”.
PUBLIKIMI I BARDH SPAHISË NË FACEBOOK
Të gjithë ne kemi detyrimin të japim më të mirën e mundshme për Shkodrën, të lëmë “gjurmën” tonë në historinë e saj mijëravjeçare.
Kjo ndjesi të krijohet kudo në takimet me shkodranët, sidomos në pedonalen “Kol Idromeno”, një nga “gjurmët” më të bukura të mjeshtrit të madh.
