I papërsëritshëm në skenë, unikal në jetë. E kush mund të jetë tjetër veç Zef Dedës, një nga më të mëdhenjtë në humorin shqiptar. Sot ishte një ditë e veçantë, nën shenjën e 14 Shkurtit. Zefi është i dashuruar, e dinë të gjithë. I dashuruar me skenën, me artin, me humorin. Por Ai ka edhe një dashuri të madhe, tashmë prej shumë vitesh. Është bashkëshortja Rozi, punonjëse në Postë Shqiptaare në Shkodër.
Ajo nuk e priste, sic duket edhe nga foto. Zef Deda si nj gjentëllmen i vertetë, është shfaqur para sportelit. Jo për të bërë pagesën e dritave apo te ujit, por me një lule në dorë për dashurinë e jetës së tij Rozin. Bashkëshortja nuk e ka pritur këtë surprizë, edhe pse një artist si Zefi është i parashikueshëm në skenë dhe në jetë. Trëndafili që i dhuroi Zefi padyshim është dhurata më e bukur që Rozi ka marrë në këtë ditë që tregon se dashuria nuk njeh moshë.
