Në një publikim në faqen zyrtare në Facebook, Prefektja e Qarkut Shkodër Majlinda Angoni, shkruan: Rruga e Thethit hapet në fundjavë. Duhen edhe 4 KM që segmenti rrugor Bogë- Qafë- Thore – Theth të hapet plotësisht.
Bashkë me stafin e Emergjencave Civile Prefektura Shkodër inspektuam kryerjen e punimeve për zhbllokimin nga bora të këtij aksi të cilat po zhvillohen në bashkërendim dhe koordinim me Prefektura Shkoder .
Aktualisht 3 mjete, dy nga të cilat tip Buldozer AD-14 nga Reparti Ushatarak Nr.4040, janë të dislokuar në zonë dhe po punojnë me ritme të shpejta, për të bërë të aksesueshëm këtë segment pavarësisht vështirësive të trashësisë së dëbores dhe specifikës së terrenit i cili vështirëson ndjeshëm procesin e punës së tre mjeteve.
Ndërkohë punimet për rikonstruksionin e rrugës Qafë-Thore – Theth, (16 km) që lidh një ndër zonat më të bukura të Alpeve me Bogën dhe Shkodrën, do të vijoj, për përshpejtimin e zhvillimit të turizmit malor, si një mundësi për të shijuar peisazhin e rrallë fantastik Alpe Qarku Shkodër.
