Është tensionuar situata në fshatin Rinas, pasi policia ndërhyri për të zhbllokuar rrugën pas gati një ore që protesta kishte nisur.
Policia ka nisur shoqërimet e para të banorëve që kanë bllokuar rrugën e Rinasit për shkak se kundërshtojnë projektin që devijon rrugën.
Ndërkohë deputetja e PD Andia Ulliri vazhdon të jetë në vijën e parë të protestës përballë Forcave të Ndërhyrjes së Shpejtë që kanë krijuar një kordon sigurie për të mos lejuar deportimin e protestuesve.
“Forcat e policisë kërkojnë të bëjnë detyrën e tyre por në momentin që do të ketë dhunë nuk do ketë tolerancë”, u shpreh Andia Ulliri.
Policia shtyu banorët, dhe u përplas me ta, pasi donte të zhbllokonte rrugën. Nga raportimet e para flitet për një person të lënduar nga dhuna policore.
Ndërhyrja u krye nga forcat e rendit si dhe forcat e FNSH-së me skafandra.
