Pas përmbytjeve, shfaqen problemet e para edhe në infrastrukturën rrugore. Kështu, në rrugën e Dajçit, në Njësinë Administrative me të njëjtin emër në Bashkinë e Shkodrës, janë verifikuar dy shembje apo gërryerje të nëndheshme të bazamentit të saj.
Siç mund ta shikoni edhe në foto, në sipërfaqe të asfaltit janë krijuar dy zgavra me diametër rreth 50 cm, të cilat krijojnë idenë se poshtë asfaltit, ka patur shembje apo gërryerje të tokës si pasojë e përmbytjeve. Vlen të theksohet se ky aks ka qëndruar nën “pushtetin” e ujit pët javë të tëra, duke sjellë edhe probleme që tashmë kanë dalë “mbi ujë”.
Tani për tani, këto dy gropa mund të jenë burim aksidenti. Por nëse nuk vihen në vemendje sa më shpejt të jetë e mundur, atë mund të krijojnë probleme edhe në rritjen e madhësisë së gropave. Bashkia Shkodër, pas sinjalizimeve të administratorit të Dajçit, është vënë menjëherë në lëvizje për të bërë verifikimet e duhura dhe më pas, ndërhyrjen për riparim.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
