Ka përfunduar takimi i zëvendës Ndihmës Sekretari i Departamentit të Shtetit për Evropën, Matthew Palmer, me kreun e Partisë Demokratike Lulzim Basha. Takimi zgjati rreth një orë dhe ishte takim me dyer të mbyllura në zyrën e Bashës, në selinë blu.
Pas përfundimit të takimit, Basha ka shoqëruar Palmer në derën e jashtme të selisë, teksa shoqërohej edhe nga ish-deputetët Aldo Bumçi dhe Oerd Bylykbashi.
Fotot e daljes nga takimi tregojnë shumë nga ajo që mund të jetë biseduar. Sipas gjasave, Basha i ka thënë Palmer se nuk bëhet fjalë për tërheqje për sa kohë Rama është kryeministër. Fytyra e Bashës e tregon qartë se nuk ka patur ndonjë “feeling” të madh në mes dy bashkëbiseduesve.
