Një Skëndërbe me përmasa gjigante në Elbasan. Fjala është për monumentin e ngritur në Labinot Fushë, rreth 6 km larg Elbasanit, i cili ka përfunduar së ndërtuari.
Ngjan si diçka e përafërt me portretet e presidentëve në Amerikë të gdhendura në mal. Autor i veprës gjigande është skulptori Fiqiri Kasa. Sipas të dhënave, Gjergji i Madh është porositur nga Gjergj Luca, në Elbasan.
Gjithçka ka përkuar me 550 vjetorin e vdekjes së Skëndërbeut dhe me shpalljen e këtij viti si Viti i Skëndërbeut në trojet mbarëkombëtare. Pas monumentit në qendër të Tiranës, tashmë Gjergj Kastrioti Skënderbeu do ketë edhe një “shtëpi të dytë”, në Labinot të Elbasanit.
