Një pallat në Lezhë është përfshire nga flakët.
Në fotot e siguruara nga ShkodraWeb, shihet se si banorët në panik e sipër janë larguar nga banesat e tyre duke dalë në zonën e oborrit.
Nuk raportohet për persona të lënduar, por përhapja e tymit dhe flakëve ka qenë e menjëhershme duke shkaktuar panik te banorët të cilët kanë dalë jashtë ndërtesës.
Lezhë/Informacion paraprak
Rreth orës 17:55, në rrugën “Shtraus”, në Lezhë, në një pallat ka marrë flakë kabina elektrike.
Shërbimet e zjarrfikses dhe shërbimet e Policisë bënë të mundur evakuimin e banorëve si dhe neutralizimin dhe shuarjen e zjarrit.
Grupi hetimor ndodhet në vendngjarje dhe po punon për sqarimin e rrethanave të rastit.
