E gjithë Velipoja ka lënë shtëpitë këtë të martë për të dalë në mort, në përcjelljen për në banesën e fundit të Edmond Prekës, djalit 9 mujash dhe vazjës së tij 5 vjeçare, të cilët humbën jetën në aksidentin tragjik të ndodhur mbrëmjen e ditës së dielë.
Qindra qytetarë kanë marrë pjesë në homazhet për një familje që thuajse u shua e tëra për shkak të një aksidenti automobilistik. Mesha e përshpirtjes është drejtuar nga arqipeshkvi metropolit Shkodër- Pult imzot Angelo Massafra.
E teksa Edmond Preka së bashku me dy nga tre fëmijët e tij është përcjellë në varreza, në spitalin e Shkodrës vajza e vetme e familjes mbahet në jetë falë aparaturave mjekësore.
10 vjeçarja Noemi ka pas shanse për t’i mbijetuar vdekjes, ashtu siç dhe vetë mjekët kanë paralajmëruar ditën e djeshme. Ndërkohë Evisa Preka, gruaja e të ndjerit Edmond Preka, po ashtu është në gjënje të rëndë në spital.
Aksidenti që ka tronditur të gjithë opinionin publik shqiptar ndodhi të dielën e shkuar, ku makina e familjes Preka u përplas me një fuoristradë në aksin Velipojë- Shkodër.