Kandidatja për deputete e PD- ASHM për qarkun e Shkodrës, Senada Mehmeti, ka vijuar takimet me qytetarët në qendër të qytetit. Janë të shumtë shkodranët që ndalen dhe bashkëbisedojnë me kandidaten Mehmeti.
“Pak ditë na ndajnë nga fitorja – një fitore që nuk është e imja, por e çdo qytetari që beson në ndryshim. Në Shkodër, çdo dorë që shtrëngoj, çdo fjalë që dëgjoj, më jep më shumë forcë dhe besim se jemi në rrugën e duhur. Si kandidate e Partisë Demokratike, jam krenare të jem pranë jush, duke ndarë të njëjtën dashuri për qytetin tonë dhe të njëjtin vizion për të ardhmen. Bashkë për një Shkodër që ecën përpara!”, shkruan Senada Mehmeti në rrjetet e veta sociale, ku ka publikuar edhe disa foto nga takimet.
