Ndërsa janë edhe pak orë që na ndajnë nga nisja e Kuvendit Kombëtar të PD- së, po intensifikohet edhe përpjekja për dekurajimin e pjesëmarjes së delegatëve nesër me 11 dhjetor.
Pas leximit të emrave që sipas selisë zyrtare të PD- së kanë konfirmuar pjesëmarrjen në Kuvendin e 18 dhjetorit, ka edhe të tjera lëvizje. Ervin Gjini, kryetar grupseksioni dhe antar i Kryesisë së PD- së Shkodër, ka publikuar një mesazh që i ka ardhur në celularin e rij, të cilin ai e konsideron si intimidim.
“Kjo është maskaradë dhe e denoncoj. Si delegat dhe anëtar kryesie i degës së PD Shkodër, kam dorëzuar të dhënat e mia për të mos t’i përdorur apo shpërndarë kund pa lejen time. Numri im i telefonit privat dhënë nga të dëshpëruarit e selisë për të më intimiduar, duke përdorur SHBA – në si pretekst, është krim.”, shkruan Gjini në publikimin e tij në Facebook.
Ndërkohë, nga një verifikim i thjeshtë nga ShkodraWeb, duke klikuar në linkun në fund të mesazhit, hapet një video në Yotube. Është një fragment nga intervista e Escobar sot me gazetarin Sokol Balla, i titruar dhe që flet për ish- kryeministrin Berisha.
Interesant është fakti tjetër se ky kanal apo profil në Youtube me emrin “Transparenca”, ka vetëm 7 ndjekës dhe është hapur pikërisht ditën e sotme, 10 dhjetor 2021. Komentet mund ti bëjë secili vetë. /ShkodraWeb/
