Shkruan në Facebook ish- zëvendësministri i Kulturës, Zef ÇUNI, arkitekt: “MONUMENT KULTURE MBROHET NGA SHTETI”. Më në fund ndërtesa ku kreu veprimtarinë Shoqëria Kulturore, Artistike dhe Muzikore “Rozafat”, do ti nënshtrohet restaurimit të plotë. Megjithëse objekti kishte leje nga Ministria e Kulturës që në vitin 2015, projekti është refuzuar vazhdimisht nga Bashkia e Shkodrës.
Pas një kalvari të gjate në rifreskime hipotekash, familja Murrizi po bën të mundur rikthimin e këtij objekti të Qendrës Historike të Shkodres me gjithë shkëlqimin që i pat dhënë dikur Kolë Idromeno. Në këtë ndërtesë kryen aktivitetin e shoqërisë “Rozafat” figura të tilla si Kel Marubi, Lazër Gurakuqi, Kel Naraçi, Zef Kurti, Kel Kadarja, Shuk Gurakuqi, Tefë Naraçi etj.
Ndërtesa ku zhvilloi veprimtarinë e saj Shoqëria Kulturore, Artistike dhe Muzikore “Rozafat”, dikur pronë e familjeve të njohura Koliqi e Bufli, më në fund do ti nënshtrohet një restaurimi tepër profesional me investimin e pronarëve të sotëm duke i kthyer shkëlqimin e dikurshëm, pas një kalvari 10- vjeçar nëpër zyrat e Bashkisë.
