Investimi i ri në rrugën “Dod Çarri”, rikonstruksioni i plotë ka nisur sot në Njësinë Administrative Rrethina. Ky investim me vlerë 11.5 milion lekë, konsiston në ndërhyrjen në rrugën që përshkon një zonë të banuar në Shtoj të Ri dhe lidh mes tyre dy rrugë tashmë të asfaltuara me dalje në rrugën nacionale. Kjo rrugë bën pjesë në Njësinë Administrative Rrethina dhe ka në gjatësi prej rreth 770 ml dhe sipërfaqe afro 2695 m2.
Ky projekt ka parashikuar ndërtimin e elementevë të nevojshëm për krijimin e kushteve optimale në shërbim të komunitetit. Asfaltimi i kësaj rruge synon edhe ofrimin e shërbimeve sa më cilësore dhe më të sigurta për banorët e Shtojit. /Marrë nga faqja zyrtare në Facebook e Bashkisë Shkodër/
