Në një krim masiv në Cetinje, 10 persona u vranë, ndërsa mjekët nga Qendra Klinike në Podgoricë po luftojnë aktualisht për jetën e katër banorëve të Cetinjes, njoftoi ministri i Brendshëm, Danilo Šaranović.
Të gjitha njësitë policore, si dhe anëtarët e Njësisë Speciale të Hetimit, janë në kërkim prej orësh për të dyshuarin Aco Martinović. Martinović e nisi masakrën në tavernën “Velestovo”, pranë Qendrës Sportive.
Pas krimit në atë tavernë, ai vazhdoi me aktin e tij të përgjakshëm.
“Vijesti” u informua se fillimisht një sherr shpërtheu në lokal, pas së cilës personi i shpallur në kërkim nxori një armë dhe qëlloi.
Drejtoria e Policisë u bëri thirrje qytetarëve të Cetinjes që të qëndrojnë të qetë dhe të mos largohen nga banesat e tyre, ndërsa të gjitha njësitë policore të disponueshme ndodhen në terren dhe po ndërmarrin aktivitete brenda juridiksionit të tyre për të vënë situatën nën kontroll dhe për të ndjekur penalisht autorët.
“Informojmë publikun se ky është një incident i izoluar dhe nuk është rezultat i një përplasjeje midis grupeve kriminale të organizuara me rrezik të lartë. Për të zgjidhur këtë situatë krize, njësitë speciale të policisë janë dërguar në terren,” thuhet në deklaratën e policisë.
