Në Tiranë e Shkodër si pasojë e dëmtimit të fiderave ajrorë ka pasur shkëputje të energjisë elektrike. “Sot në zonën e Shkodrës, Malësisë së Madhe ka shumë erë dhe kemi shumë defekte në fiderat ajrorë gjatë natës dhe vazhdon. Punonjësit janë në terren por si lë era. Sapo e riparojnë defektin fideri bie prapë nga era e fortë”,- sqaron OSHEE.
Sipas OSHEE-së, pa energji është një pjesë e zonës “Ali Demi” në Tiranë, për shkak të dëmtimit të fiderit nga një subjekt privat. Mësohet se aktualisht, brigadat e njësisë OSHEE Tirana 2 janë duke manovruar me linjat për të rikthyer energjinë elektrike brenda 20 minutash. Sakaq, nisur nga parashikimet e motit të keq të dy ditëve në vijim, OSHEE është vendosur në gatishmëri të plotë.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
