Një aksident i rëndë ka ndodhur në aksin Lezhë – Shëngjin, ku për pasojë ka mbetur e dëmtuar një pasagjere.
Aksidenti ka ndodhur rreth orës 11:40 në dalje të Lezhës në drejtim të Shëngjinit, ku një autoveturë është përplasur me një betoniere duke dalë nga rruga.
Pasagjerja që ndodhej në automjetin tip Wolksvagen ka marrë dëmtime të shumta dhe është dërguar menjëherë në spitalin Rajonal të Lezhës.
Ajo po merr kujdesin e nevojshëm mjekësor jashtë rrezikut për jetën. Ndërkohë që policia dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.
