Mediat amerikane njoftojnë për një shqiptar, të vënë në pranga pasi dyshohet për bindje të rrezikshme, të cilat mesa duket kishte vendosur edhe ti konkretizonte. Një i ri shqiptar që autoritetet thanë se fliste për t’u bashkuar me të ashtuquajturin Shtetin Islamik, ISIS, është vënë në pranga nga policia amerikane në Montana. Shqiptari fliste gjithashtu për t’u hakmarrë pas ngjarjes të rëndë në një xhami në Zelandën e Re që i mori jetën rreth 50 besimtarëve myslimanë.
I riu shqiptar, Fabjan Alameti, 21 vjeç, u paraqit para gjykatës në SHBA të enjten. Ai u akuzua gjithashtu edhe për posedimin e një arme zjarri dhe deklarata që e përfshijnë në terrorizmin ndërkombëtar dhe vendas.
Thuhet se ai u zhvendos nga Bronx i Nju Jork-t për të marrë me lehtësi një armë dhe u pa duke parë armë zjarri në një dyqan në Walmart, përmes të cilave ka përfituar eksperiencë me të shtënat.
Mbrojtësi federal i Alametit, John Rodos, tha se po punon për të propozuar lirimin e klientit të tij. Ai nuk pranoi komente të mëtejshme.
Autoritetet fillimisht intervistuan Alametin më 2018, dhe më vonë, ai bërë komente pro ISIS në Facebook, tha agjenti i FBI-së, Matthew Duermeier me një deklaratë të parashtruar në gjykatë.
Duke filluar nga janari i këtij viti, Alameti foli me një informator federal për luftimin me organizatën terroriste në Irak dhe Siri dhe komplotimin e një sulmi në SHBA kundër një objekti ushtarak, qendrës së rekrutimit, ndërtesës së qeverisë, klubit të homoseksualëve ose tempullit hebre, tha Duermeier.
Por Alameti gjithashtu më vonë tha se nuk do të kryejë një sulm në tokën e SHBA, sepse vendi i kishte dhënë atij shtetësi. Alameti i tha informatorit se ai u largua nga shtëpia e tij në Bronx të Bozeman muajin e kaluar sepse ai e urren jetën në New York City.
Alameti udhëtoi në Montana me autobus më 15 mars, kur një person i armatosur hapi zjarr në një xhami të Christchurch të Zelandës së Re dhe vrau 50 vetë.
