Një person i armatosur është arrestuar pasi hapi zjarr në një shkollë të mesme në Florida të mërkurën, duke lënë 17 të vdekur dhe 50 të plagosur. Ish-student i kësaj shkolle, Nicolas de Jesus Cruz, 19 vjec, rreth orës 14:00 (ora lokale në SHBA) hyri në Marjory Stoneman Douglas High School në Parkland, i armatosur dhe filloi të shtinte me armë në drejtim të nxënësve.
Policia e Floridas konfirmoi se 17 vetë u vranë dhe dhjetëra të tjerë u plagosën. Cruz ishte armatosur me një pushkë AR-15.
Më parë i riu ishte dëbuar nga shkolla për ‘arsye disiplinore’. Autoritetet tashmë kanë filluar të zbulojnë llogaritë e mediave të tij sociale dhe raportojnë se disa nga gjërat që ai kishte postuar në rrjetet sociale ishin ‘shumë shqetësuese’.
Studentët e traumatizuar thanë se pasi dëgjuan të shtënat me armë, ata e dinin se do të ishte Cruz, ndërsa një mësues tha se ai ishte identifikuar si një kërcënim potencial për shokët e klasës së tij që vitin e kaluar. /balkanweb.com/
