FOTO – Kandidati i “Shtëpia e Lirisë” Bardh Spahia takim me strukturat e Partisë Demokratike në Shalë e Pult…

Kndidati i “Shtëpia e Lirisë” për Bashkinë e Shkodrës me 6 mars 2022 Bardh Spahia, vijon takimet me strukturat në qytet dhe njësitë administrative. Pasditen e sotme, Spahia është takuar dhe ka bashkëbiseduar me strukturat në Njësitë Administrative Shalë- Pult të Dukagjinit.

I pranishëm ishte edhe Ndoc Ashta nënkryetar i PD- së Shkodër dhe Tonin Dedaj, zëvendëskryetar i Bashkisë Shkodër.


Në fokus të takimit me strukturat e Partisë Demokratike në këto njësi administrative, ka qenë organizimi sa më i mirë e efikas për të maksimalizuar fitoren me 6 mars 2022 në të gjithë territorin e Bashkisë Shkodër.

Pjesë e diskutimeve ishin edhe problematikat e banorëve të zonës, ku kandidati Bardh Spahia ka nënvizuar se “Bashkia Shkodër do të jetë e hapur dhe në sherbim të qytetarëve për çdo problem e nevojë”.

Të pranishmit të këtë takim, theksuan se fitorja e kandidatit të “Shtëpisë së Lirisë” Bardh Spahia me 6 mars 2022, është e sigurtë dhe ditë për ditë po punohet që fitores ti bashkohen sa më shumë banorë në territor.