Sukses historik për UNISHK në volejboll!
Skuadra e djemve të volejbollit të Universitetit të Shkodrës “Luigj Gurakuqi” shpallet kampione në Kampionatin Kombëtar të Universiteteve!
Në një gjysmëfinale emocionuese kundër Universitetit të Sporteve, pas një ndeshjeje të fortë që u vendos në setin final, skuadra jonë siguroi një vend në finale.
Në finalen e madhe, ekipi ynë u përball me Universitetin “Aleksandër Xhuvani” të Elbasanit dhe, pas një loje mbresëlënëse, triumfuam dhe ngritëm Kupën e Kampionatit!
Gersi Jula u shpall sportisti më i mirë i aktivitetit, duke treguar talent dhe përkushtim të jashtëzakonshëm.
Kjo arritje është një tjetër dëshmi e angazhimit dhe shpirtit sportiv të studentëve tanë. Përpara drejt sukseseve të tjera! /Publikuar në faqen zyrtare të UNISHK në Facebook/
