Ndërsa vazhdon të mbetet kryetemë jo vetëm e mediave por edhe opinionit publik, dritë- hijet e grabitjes së 6.5 apo 10 milion eurove në Rinas, mbeten të shumta. Dyshimet perqendrohen sidomos tek Admr Murataj, i konsideruar si “truri i grabitjes”. Ai u gjet i pajetë pak minuta pas grabitjes, teksa teza e përhapur gjerësisht është se humbi jetën gjatë shkëmbimit të zjarrit me FNSH-në. Kjo mbase mund të konsiderohet edhe “pika më e errët” e ngjarjes. Ka patur aludime të shumta, direkte dhe indirekte, madje edhe nga familjarë të murataj.
Edhe pse kanë kaluar shumë ditë nga vrasja e Muratajt, pyetja është akoma aktuale: Kush e ekzekutoi atë? Ish-kryeministri Sali Berisha hedh dyshime të forta se Admir Murataj nuk është vrarë nga policia.
Nëpërmjet mesazhit të një qytetari, Berisha shkruan se vendi ku ka ndodhur vrasja nuk ka fushë pamje për policinë. Sipas denoncimit, makina e policisë që pretendohet se është përplasur me grabitësit nuk ka asnjë gërvishtje. Në mesazh pretendohet se Murataj është vrarë nga shokët e tij.
Reagimi i plotë i Berishës:
Hidhet poshtë me prova të pakundërshtueshme pretendimi i policisë se ajo ka ekzekutuar Admir Murataj! Lexoni mesazhin, pyetjet gozhduake dhe shikoni fotot e ekspertit dixhital. sb
Pershendetje Zoti bershia
Si ka mundësi qe lajmet thojn qe ka gjujt policia kur ktu nuk ka fushë pamje fare
Policia nuk ka pas asnji shanc te gjuj sepse aty esht nje pjes e ngritur si tip kodre edhe nuk te lejon te shikosh fare
Policia mashtron ajo as qe është afruar aty e jo me te hap zjarr dhe te vras nji nga grabitesit nuk ka fush pamje. Mikrobusi i policisë nuk ka asnjë gërvishtje jo me ç’pim nga plumbat.
Eshtë e sigurt qe Admir Murataj esht vrare nga shoket e tij.
