Policia greke zbulon emrat dhe fotot e dy shqiptarëve të akuzuar për ngjarjen e 11 marsit 2017 ku pasi grabitën banesën, përdhunuan një 45-vjeçare në sy të nënës së saj. Ata janë Donald Sina dhe Sokol Krasniqi. Sipas policisë, Donaldi ka dhënë edhe emrin Donald Meco, ndërsa Sokoli ka dhënë dhe emrin Luan Krasniqi.
Për më tepër Donald Sina (Meco) ka dhënë dy datëlindje 26.07.1993 dhe 12.12.1993, ndërsa Sokoli ka dhënë 21.04.1994 dhe 26.11.1990.
Më 12 mars policia arrestoi dy shqiptarët për ngjarjen e ndodhur një vit më parë në lagjen Peristeri të Athinës. Ata janë futur në një shtëpi për të grabitur, ku kanë gjetur një 45-vjeçare greke bashkë me nënën e saj, ndërsa i kanë mbajtur peng për gati 12 orë. Ata përdhunuan 45-vjeçaren dhe pasi grabitën para dhe bizhuteri, u larguan.
