FOTO/ Harroni çmimet e kripura në jugun e vendit, sado shtrenjtë por një biftek nuk kushton 920 euro…

Faturat e kripura të verës në zonat turistike përbëjnë shpesh lajm jo vetëm në vendin tonë, por edhe më gjerë. Një çmenduri e ndodhur së fundi ka tërhequr vëmendje të gjerë. Ish-boksieri britanik, Richard Hohn Hutton, ka paguar plot 2 mijë euro një drekë në Mykonos të Greqisë.


Ai ndodhet për pushime në Greqi me bashkëshorten e tij, por gjëja e fundit që priste të paguante ishte ajo faturë marramendëse ku bifteku kushtonte 920 euro. Ndërsa një ujë mineral kushtonte 16 euro dhe buka 14 euro.

Kur u erdhi llogaria, ata nuk mund të besonin atë që po shihnin dhe kështu e fotografuan. Fotografia u postua në llogarinë e tij në Instagram dhe siç pritej, shkaktoi një tronditje. Ai komentoi në foto se u zgjua të nesërmen në mëngjes duke qarë për faturën që pagoi.

“U zgjova në mëngjes në një pellg lotësh”, komenton ai në Instagram, duke publikuar faturën.

Për të afishuar reklamën apo njoftimin tuaj në ShkodraWeb Media mund të kontaktoni duke klikuar ShkodraWeb Media dhe menjëherë do të kontaktoheni nga stafi. ShkodraWeb Media ju mirëpret!