Thethi është një nga pikat kryesore të turizmit malor në Bashkinë e Shkodrës. Ashtu si edhe në Velipojë, prej disa vitesh ka një ditë zyrtare të nisjes së sezonit turistik. Këtë vit Bashkia Shkodër kishte përaktuar të shtunën e 9 qershorit për të hapur sezonin. Në dispozicion ishin vënë mjete lëvizëse pa pagesë për të gjithë ata që donin të shkonin në Theth për të marrë pjesë në atë që konsiderohet tanimë “Festa e Thethit”. Pas një udhëtimi të këndshëm, në Theth ishin organizuar aktivitete të shumta artistike- kulturore, panair me produkte të zonës, lojra të ndryshme etj.
Nga Bashkia e Shkodrës nënkryetarja Emilia Koliqi ka bërë përshendetjen e rastit, ndërsa më pas të gjithë kanë patur mundësi të shijojnë jo vetëm elementet e festës, por edhe natyrën e jashtëzakonshme që ofron Thethi. As rreshjet e shiut nuk ia kanë dalë të zbehin këtë festë e cila shënon edhe hapjen e sezonit të ri turistik në këtë zonë shumë të frekuentuar sidomos nga turistët e huaj.